Registers van de Hollandse grafelijkheid 1299-1345

Graaf Willem III geeft toestemming aan Jan van der Elsgeest om 25 morgen nader omschreven grafelijk leengoed in het ambacht Wateringen te verkopen in vrij eigendom.

Wi Willaem^a grave van Heynnegouwen^b, van Holland^c etc. maken cond etc. dat wi gheoirloft hebben Janne van der Elsghest te vercopen toit enen vryen eyghen vijf ende twintich morghen lands die hi van ons te liene held, legghende in den ambochte van der Wateringhe^d binnen desen marken: die Vlietwech dat nort ende, die Zuette dat zuyt ende, des goidshuys land van der Lee op die oistzide, Jan Beudekijns^e soens land ende Hanne Claes^f soens land op die westzide; ende gheloeven dit land voirs. te waren als men een vry eyghen sculdich es te waren.

In orkonde desen brieve bezegheld med onsen zeghel^g. Ghegheven tote^h Dordrechtⁱ des vriendaghes nae sinte Lucyen^j dach int jaer ons Heren M^o CCC^o acht ende twintich^k.