Registers van de Hollandse grafelijkheid 1299-1345

Graaf Willem III beleent Willem van Oudshoorn met het huis te Rijnenburg met toebehoren onder dezelfde voorwaarden als heer Gozewijn van Rossum, ridder, het had gehouden, die hem dit goed had opgedragen omdat hij het aan Willem had verkocht.

Vgl. nr. NH 430.

Wi Willaem^b grave etc. maken cond etc. dat har Ghosewin^c van Rossen, onse trouwe ridder^d, thuys te Rinnenburch^e mit der hofstede ende mit den boemgherden ende mit den graften ende mit alden arve dat dair toe behoirt binnen den Poten^f, ende mit enen stripekine lands op die westzide buten an die Poten, dat al groet es zeventien morghen ende een hont lands, ende mit enen were lands oistwarts van den Poten van neghen morghen ende vijf honden, ende mit ene were lands oistwairts daer an legghende van dertien dalf morghen dat her Ghosewijn^g cofte jeghens Dieric van Poelgheist^h, wilc land voirscreven beleghen hebben wi selve mit den Lammercampeⁱ an die westside, Dieric die Vroede an die oist side ende die Rijn ant noirt ende, mit Spierinx acker^j die groet es vijf morghen vijftalf hont, die hebben beleghen Dirc^k Ermboude sone an die westside, Gherid^l Montfoirden^m f. an die oistzide, die Rijn ant noirtende, ende mit Enghels ackerⁿ die groet es^o drie morghen vijf hond, die heef beleghen Gherid^p Montfoirden f. an die westzide, Jan Saliken sone an die oistside ende die Rijn^q ant noirtende, ende mit der Capellen weer dat groet es zeven morghen ende hebben beleghen ^r Jan Saliken^s f. up die westside, IJsebrant^t Buten wech up die oistside, die Rijn^u ant noirtende, dat hi al van ons telene^v helt, altoes onse open huys te wesen ende tiende vri also verre alst ons tiende ghout, in manieren dat na siere doit comen soude op sinen ousten wittachtighen sone jof op sine ouste wittachtighe dochter; liete hi ghenen sone ende liet hi ghene wittachtighe kinder, op sinen outsten broeder, jof hadde hi ghenen broeder op siere outster suster, ende dair na niet an ons te verstorven also langhe als hi hadde broder kint in wittelike huwelike, f.^w jof dochter; ende dair bi soude hi ende sinen arfnamen ons dienen ghelike anders onsen edelen luden van onsen lande, ons op ghedraghen hevet tote Willaems^x behoef van Outshoirne^y, dien hijt vercoft hevet. Wilc huys, hofstede, grafte, boemgharden^z, land ende tiende voirscreven wi verliet hebben ende verlien Willame^a' van Outshoirne^b' van ons te lene te houden in allen manieren voirscreven, ende niet an ons te verstorven also langhe als Willaem^c' voirs. broeder kint jof suster kint hevet in witteliken huwelike, sone jof dochter, ende ymmer op den jongheren sone te comen voer die ouder^d' dochter^e' ende ymmer op der jongheren sone van den broeder vore den ouderen sone van den^f' suster, ende te comen op den ghenen die van den ousten comen sal, ende daertenden ten rechten lene.

In orkonde etc. Ghegheven in die Haghe des vridaghes na sente Servaes^g' dach int jaer XXX.