Registers van de Hollandse grafelijkheid 1299-1345

Graaf Willem III geeft aan Bokel vrouw Elizabethsz. 8 morgen en 2 hond veen in Nieuwveen in erfpacht, en staat hem en zijn nakomelingen toe de helft van dit veen te gebruiken voor turfwinning.

Vgl. nr. NH 450.

Wi Willaem^a grave etc. maken cond allen luden^b dat wi Bokel veren Lisebetten^c sone ghegheven hebben ende gheven in enen arfpacht achte morghen ende twe hond veens dat Claymans Scribbels was, legghende op den Niewenveens^d in onsen gherechte twisken Noitdorp^e ende Willijns veen, om tien scellinghe sjaers, alle jare te betailen te Voirscoter market, in manieren dat hi ende sine nacomelinghe die ene helfte van desen vene voirscreven delven moghen.

In orkonde etc. Ghegheven in den^f Haghe des manendaghes na sente Symon ende Juden^g dach int jaer ons Heren^h M^o CCC^o ende dortich.