Registers van de Hollandse grafelijkheid 1299-1345

Graaf Willem III verkoopt aan Jacob Dirk Smeetsz. van Vlaardingen het erfgoed dat hem is toegevallen na het overlijden van Jacobs zoon Pieter.

Wi Willaem^a grave etc. maken cond etc. dat wi bi Inghebrecht^b van Vorscoten^c, onsen rentemeister^d van Northolland^e, hebben vercoft Jacob Dieric^f Smeds^g f. van Vlarding^h alsulke erfnesse als ons ane quam van Pieter des vorseyts Jacobs f. doit, dat was dat rechte verendeel van al Pietersⁱ goide vors., roerende ende onroerende^j, husinghe ende^k land, also groit ende also clene alst ons van hem ane quam, omme XXII lb. Hollands^l die hi vol ende al betaelt heeft, dar Enghebrecht^m onse rentemeister vors. ons goide rekeninghe of ghedaen heeftⁿ; ende loven Jacob vors. dese vornoemde erfnesse^o te waren^p alsmen een eyghen goid sculdich es te waren.

In orkonde etc. Ghegheven in die Haghe up sente Laurens^q dach int jaer van XXXII^o.