Registers van de Hollandse grafelijkheid 1299-1345

Gwijde bisschop van Utrecht beleent zijn dochters Maria, echtgenote van heer Arnoud van IJsselstein, ridder, en Aleid, echtgenote van Otto Ottenz. van Asperen, gezamenlijk met het van de heerlijkheid Amstel roerende goed dat hem toegevallen was van Egbert van den Bosch, en wel zo dat Aleid dit goed in leen zal houden wanneer Maria zonder wettig nageslacht overlijdt, met de bepaling dat Elizabeth, zuster van genoemde Egbert, het van Maria en Aleid in achterleen zal houden; de oorkonde wordt meebezegeld door Gwijdes dochters en hun echtgenoten.

De onderstaande tekst is gebaseerd op afschrift B.

Wi Guydo bider ghenaden Goeds bisscop van Utrecht^c doen cont allen^d etc. dat wi Marien onser dochter, heren Arnouds^e wijf van Yselsteine^f, ridders, ghegheven hebben ende gheven met desen brieve van ons ende van der herscappe van Aemstelle te houdene te rechten lene al dat goet dat Egghebrecht^g van den Bosce^h ende sine oudere houdende waren van der herscepeⁱ van Aemstelle^j ende dat ledich worden es an die herscappe van Aemstel^k bi den Egghebrecht^l voers., welke herscappe van Aemstelle^m van ons ende van onsen Stichte roeret ende dier oec nu in hebbinghe sijn. Vort an dien selven goede voers. dat Egghebrechtⁿ voernoemd houdende was heb wi ghegheven ende gheven met desen brieve Aleyden^o onser dochter, Otten Otten soens wijf  van Asperen^p, die samende hant, also jof Marie^q voernoemd sonder wittelike bort storve dit goet dan van ons te houdene ende van der herscape van Aemstelle^r voers. te rechter lene. Ende om dat wi weten dat dit ghoet ghecomen was van Egghebrecht^s voernoemd van sinen ouderen, so wiset ons reden ende ghenade dat wi ghebeden hebben ende bericht Marien^t ende Aleyden^u onsen dochteren voirs. ende oec Aleyt^v bi consente^w hoers mannes of dat goet an hoer quame ende met onsen wille ende met onser hant dit voerseide goed voerd verlienet hebben Lizabetten^x, des vorghenoemds Engghebrechts^y zuster, te houdene van hem te^z rechten lene. Ende voert ware dat zake dat Marie^a' ende Aleid^b' onse dochteren voerscreven beide zonder wittelike bord storven, so sal Lisabette^c' voers. dit vorseide goet versoeken^d' daer sijt van rechte sculdich es ^e' versoeken, ende men zalt haer willelike verlienen.

Ende in een orconde ende in ene ghestadicheit al deser voerscrevene^f' ponte zo heb wi onse seghele ende oec onser dochter ende hore manne voernoemd zeghele an desen brief doen hanghen. Ende wi Marie^g' ende Aleit^h' voernoemd verghien dat wi dit voerseide goet Lizebetten vorghenoemd verlient hebben ende verlenen in desen brieve in allen manieren als hier staet voerscreven; ende wi Arnoud^i', ridder, ende Otte, cnaep voerghenoemd, verghien dat dit al ghesciet es bi onsen consente ende bi onsen wille, ende hebben in orkonde dies onse zeghele an desen brief ghehanghen. Ende hier over waren onse ghetrouwe mannen haer Florens domproeft tUtrecht^j', here Ghisbrecht^k' here van Yselsteine^l', Otte van Zulen, Heinric^m' van den Rine^n' ende Willem^o' Godevoerts^p' sone van Juitfaes, ende anders onse manne ende goeder lude vele. Dit is ghesciet tot Utrecht^q' int jaer ons Heren M CCC ende XVI des zonnendaghes voer sinte Andries^r' dach^s'.