Registers van de Hollandse grafelijkheid 1299-1345

Bisschop Frederik II van Utrecht verklaart dat graaf (Willem III) hem heeft hulp heeft toegezegd in zijn oorlogen, althans die welke hij begint op advies van hem en van de met name genoemde geheime raden die hij met diens toestemming heeft aangesteld, en hij belooft de graaf geen oorlog waarin hij diens hulp verlangt te zullen beginnen dan op advies van genoemden, dat hij tijdens die oorlog naar die adviezen zal handelen, en dat hij van zijn kant de graaf zal steunen in diens oorlogen.

Vgl. nrs. UT 27, 28, 31 en 35-36.

De onderstaande tekst is gebaseerd op afschrift B.

Wi Vrederc^b, bider ghenaden Gods bisscop tot Utrecht, maken cond allen luden. Want een edel^c man ende een moghende, onse lieve neve die grave van Henegouwen^d, van Holland^e etc., ons ghelovet hevet: waer dat wi enich orloghe beghinnen wilden daer wi siere helpe toe begheerden, dat hi daer in helpen soude also verre alse wi dat orloghe anenamen bi sinen rade ende bi der gheer rade ghemeenlike die wi bi sinen goeddinken tote onsen heymelike rade^f ghenomen hebben, als heren Arnouds^g provest van Aernem, heren Jacobs^h proeft van sinte Jans toet Utrechtⁱ, meister Jans van Florenche proest van Songijs, heren Jans here van Erclen^j, heren Zueders here van Abecoude, heren Symons van Bentem^k, heren Gheraerds^l van Raporst, ridderen, meister Heynrix^m ons clercs, Heynrixⁿ van Diepene ende Willaems^o ons neven des graven camerlinc voers., sonder archlist; zoe gheloven wi hem weder met desen brieve dat wi en ghien orloghe anenamen en zullen daer wi siere helpe toe begheren zullen alst voerscreven es en sie bi ons selfs rade ende bi deser luden rade ghemeenlike voerscreven, ende in dien orloghe zullen wi in allen manieren bi hem werken. Ende des ghelike gheloven wi onsen neve den grave voers. in allen manieren hem weder te helpen in sinen orloghe; ende alle stucken voerscreven zonder archlist.

In orkonde desen brieve bezeghelt met onsen zeghele. Ghegheven tote Haerlaem^p des dinxendaghes na sinte Jans dach^q te uytghaende oeste int jaer ons Heren M CCC ende twintich.