Registers van de Hollandse grafelijkheid 1299-1345

Bisschop Frederik II van Utrecht verklaart dat hij zich verbonden heeft om twee jaar lang uitsluitend te zullen handelen naar de adviezen van graaf Willem III en van zijn door deze aangestelde en met name genoemde geheime raden.

Vgl. nr. UT 36 alsmede nrs. UT 27-29 en 31.

De onderstaande tekst is gebaseerd op afschrift B.

Wi Vrederic, bi der ghenaden Gods biscop van Utrecht^c, maken cond allen luden dat wi om groete trouwe ende vrienscap die wi ghevonden hebben an ene hoghen edelen prinche, onsen lieven neve heren Willame^d grave^e van Heynnegouwen^f, van Holland^g, van Zeeland^h ende here van Vrieslandⁱ, met hem over een ghedraghen sien ende ons dair toe verbonden hebben ende verbinden bi onser trouwe dat wi voirmeer altoes sijn beste doen zullen ende bi sinen rade werken ende bi rade eens eersaems broeder heren Jacob biscop van Zuden ende eersamer lude ende besceyden alse heren Jacobs^j proest van sinte Janne^k, heren Arnts^l deken van sinte Marien, heren Ricouds van Hesewijc canonic van sinte Pieters tUtrecht, heren Jans here van Ercle^m, heren Ghizebrechteⁿ here van Yselsteyne^o, heren Zueders here van Abbecoude, heren Loedwijcs^p land commelduer van den Dietschen^q huse tUtrecht, heren Symons^r van Benthem ridder, Zueders van Vianen knape, Jans Boelen,^s Vembrechts van Compostelle^t, Jans sheren Rotaerts^u sone, borgher tUtrecht, die onse neve die grave voirs. bi ons gheset hevet, jof bi enen deel ^v van desen dertienen die den grave heymelichst sien, die wi tote onsen Rade eyschen zullen, ende dat wi bi desen dertienen voirghenoemd werken zullen, dat es te verstane tote twie jaren toe, behouden ons in allen ponten voirscreven ons dets^w wi onse gherechte ghedaen hebben, sonder alrehande ercheyt.

Ende want wi ^x alle de dinghe voirscreven vaste^y ende^z ghestade houden willen, zo hebben wi onsen zeghel doen hanghen an desen brief. Ghegheven tote Zerixee^a' int jaer ons Heren M CCC een ende twintich des dinxendaghes na sinte Thomaes dach.