Registers van de Hollandse grafelijkheid 1299-1345

Hendrik abt en het convent van Sint Paulus te Utrecht verpachten met toestemming van heer Jan III van Diest, bisschop van Utrecht, aan graaf Willem III al hun nader omschreven goederen in de Zwijndrechtse waard en de Riederwaard, voor 100 pond zwarten Tournois jaarlijks, met de bepaling dat wanneer de pacht niet op de vastgestelde dagen of binnen veertien dagen daarna betaald wordt de pachtsom voor die termijn verdubbeld zal worden, en dat wanneer de graaf daarna niet binnen zes weken betaalt het goed weer aan het klooster zal vervallen.

Vgl. ook de volgende nrs. UT 43 en 44.

De onderstaande tekst is gebaseerd op afschrift B.

Allen den ghenen etc. Wi Heynric^b bi der gratien^c Gods abt, ende dat mene convent van Sente^d Pouwels tUtrecht^e doen te verstaen dat wi omme sonderlinghen orbair ons godshuys hebben mit consente ons gheestelijx vaders heren Johans^f van Diest, ons heren des biscop van Utrecht^g, ende mit goede ghansen berade^h verpacht enenⁱ hoghen edelen prinche, onsen lieven here heren Willaem^j grave van Heynnegouwen^k, van Holland^l etc., hem ende sinen nacomelinghen ewelike alse tote enen eweliken pachte alle ons ende ons godshuys goed dat gheleghen es binnen den palen van Zuyndrecht^m ende Harenⁿ Heyenland ende in die Lende^o tuyschen die Merewede^p ende die^q Dubbel, streckende an Berendrecht^r ende tuyschen Rieder wairt ende Dordrecht^s, is dat erve, tiende, tijns, pacht, ghifte van kerken, gherechte hoghe^t ende laghe, leen manne ende manscippe, ende ghemeenliken altgoed dat wi dair hebben mit alle dien rechte dattet gheleghen es, sonder archlist, om hondert pond zuarter Tornoyse^u, enen goeden groeten coninx Tornoyse^v over sestien penning gherekent, of ander goed payment dair voir, te betalen onsen abt of sinen nacomelinghen die wesen sullen elcs jaers^w op des voirs. graven of siere nacomelinghe dair^x dat voirseyde goed op comen sal, cost, anst ende arbeyd, sonder archeyd, tUtrecht  in onsen cloester van Sente Pouwels alle jaer die comen sullen na der daten van desen brieven, die ene helfte van den voirseyden hondert ponden toit sente Jans misse te midzomer^y ende die ander helfte te sente Martijns^z misse in den winter^a', of binnen viertien daghen na elken termijn onbegrepen. Wair dat sake dat die voirseyde grave jof sine voirs. nacomelinghe des niet en daden ende dien pacht niet en betailden toit elken termijn of binnen viertien daghen dair na alse voirscreven es, so wair hi of sine nacomelinghe ons sculdich te betailen tUtrecht in allen dien ponten^b' alset voirscreven es van dien termine die helfte meer, binnen ses weken na dien voirs. viertien daghen; wair oec dat hi of sine voirs. nacomelinghe dien dubbelen pacht niet en betailden tUtrecht binnen den voirs. ses weken in allen dien manieren alst voirscreven es, so verlore hi of sine nacomelinghe al dat recht dat hi of sine nacomelinghe hebben of hebben moghen an die voirscreven goede, ende dat goed quame weder vri ende^c' los ane ons ende onse^d' voirs. godshuys, sonder enich wedersegghen. Mit dus ghedanighen vorwairden die^e' die voirs. grave^f' ende sine nacomelinghe sullen houden dat voirs. goed ende onse ende ons godshuys van Sente Pouwels manne ende hoir rechte leenvolghers alse van goede dat in den voirscreven palen beleghen es, in alle dien rechte dat dat goed gheleghen es, ende alse die voirs. manne dat goed houden ende houden plaghen van ons ende van onsen godshuse, tenne ware dat hi of sine nacomelinghe behouden ons godshuys^g' recht mit dier voirs. manne wille ander^h' voirwairde makede; sonder alrande archeyt.

Ende in orkonde alle deser dinghe so hebben wi Heynric^i' abt ende dat mene convent van Sente Pouwels voirs. desen brief bezeghelt mit onsen seghelen. Ghegheven int jaer ons Heren M° CCC° drie ende twintich des anders daghes na sente Barthelmeus^j' dach.