Registers van de Hollandse grafelijkheid 1299-1345

Graaf Willem III geeft ter viering van het jaargetijde van wijlen bisschop Gwijde 100 pond groten Tournois per jaar, te verdelen onder de vijf Utrechtse kerken van Sint Maarten, Oudmunster, Sint Pieter, Sint Jan en Sint Marie, alsmede voor een dagelijkse dienst voor diens zielenheil 20 pond groten aan de kapel in de Dom waarin hij begraven ligt, alles op te brengen uit de tienden van Nieuwkoop.

De onderstaande tekst is een concept, waarschijnlijk al in mei 1318 opgesteld door de Utrechtse kapittels; zie de aantekening bij het voorafgaande nr. UT 70. Uiteindelijk is op 10 oktober 1325 door graaf Willem III een oorkonde met deze tekst uitgevaardigd.

Vgl. het volgende nr. UT 72, alsmede nr. NH 70.

Wi Willem^b grave etc. maken cont allen luden dat wi^c in dier ghedenkenesse van onsen lieven here ende oem heren Ghyen, wilen biscop van Utrecht, daer God die^d ziele of hebben moit, hebben gheoerdinert^e dat wi jaerlix ghegheven hebben ende gheven sine jaerghetide mede te done in die vijf^f kercken tote Utrecht, dat es te wetene tote Sente^g Martijns^h ten Dome, tote Oudemonster, tote Sente Pieters, teⁱ Sente Johans^j ende^k te^l Sente Marien, hondert pond goder^m paye sjaers, ten groten Tornoyseⁿ vor twaelf penninghe jof payement na der waerde daer jeghens; item hebben wi ghegheven daer toe twintich pond sjaers der zelver paye tote ere capelrien behoif te besinghene alle daghe in sine^o capelle daer hi leghet vor sine ziele. Ende alle jare zo zullen die heren van den goidshusen tote Utrecht^p vors. sine jaretide doen na zede ende woente^q dat men pleghet te done vor biscopen, ende elc goidshuys bi hem; ende alle die ghenen van den heren die in presentien wesen zullen daer men sijn jaretijt doen, die zullen hebben dat hem daer of gheboert te hebben, ende diere niet en comt die en zal niet hebben. Ende dese hondert ende twintich pond jaerlix vors. die bewise wi jaerlix in tenemen ende tontfanghen up al onse tiende van Nuwencoep, tote diere tijt dat wise in ander steden zeker bewijst hebben; ende ombieden ende ghebieden onsen rentemeister van Nordholland^r die nu es ende hier nae wesen zal dat hi den heren van Utrecht^s vornoemt jof haren^t zekeren bode alle jare dit vors. ghelt gheve te Kerstdaghe^u, van den ghereetsten ghelde dat in comen zal ende verscinen van onsen tiende vors., sonder^v anders ghebot van ons te hebben noch van yemant van onsen weghen, ende alsoe altoes van jare te jare tote dat wiet hem andersware bewiset hebben.

In orconde etc. Ghegheven toter Haerlem des manendaghes vor Ascencien dach int jaer XVIII°.