Registers van de Hollandse grafelijkheid 1299-1345

Bisschop Jan III van Utrecht gelast zijn broer heer Thomas van Diest, kastelein van Vollenhove, zijn neef heer Willem van Boxtel, kastelein van Ter Horst, en zijn neef heer Arnoud van IJsselstein, kastelein van Stoutenburg, die samen met enkele andere met name genoemde personen zich borg hebben gesteld voor een bisschoppelijke lening van 4.000 pond Tournois en hem dat bedrag hebben voorgeschoten, dat zij hun kastelen niet aan een ander zullen overdragen tenzij in opdracht van graaf Willem III, die heeft beloofd de borgen bij te staan wanneer zij worden gehinderd bij de inning van die schuld; de oorkonde wordt meebezegeld door de drie kasteleins.

Vgl. nr. UT 139, een oorkonde van dezelfde datum met een grotendeels overeenkomstige inhoud. Vgl. voorts nrs. UT 114, 137 en 143.

Wi Jan bi der ghenaden Gods biscop tUtrecht^b maken cond ende kenlijc^c etc. Want een edel^d ende hoghe prinche here Willaem^e grave etc. onsen borghen, dien wi sculdich sien ende ons uyt ghedaen hebben ende fineerd, alse heren Heynric^f van Loenreslote, deken van Sente Janne tUtrecht, heren Ghisebrecht^g here van Yselsteyne, heren Rutghere^h uteWaerdeⁱ, heren Zueder van den Boeselair^j, heren Thomaes van Diest onsen broeder, heren Arnoud van Yselsteyne, heren Willaem^k van Boecstelle onsen neve ende heren Steven van Zulen, IIII^M lb. zuarter Tornoyse^l, den ouden groeten over sestien penninghe gherekent, heeft beloeft waer dat hem enich hinder^m ofte comer gheviele alse van der bewisinghe ende betailinghe van den IIII^M lb. voirscreven, alse die open brief dair of spreket die die grave voirs. hem dair of bezeghelt heft mid ons, dat hi hoir hulpere wesen sal ende bliven toter tijd dat die voirs. borghe dat ⁿ hore^o in hebben na der manieren van den brieve dair op ghemact; so hebben wi, den grave voirs. of sinen arfnamen van deser belofte ende sekeringhe te ontheffen ende te bet te bewaren ende om te houden dair of sonder scade, ^p bevolen ende bevelen mit desen brieve heren Thomaes van Diest, onsen broeder voerseyd ende onsen borchsate van Vollenhoe, heren Willaem^q van Bocstel, onsen neve voirs. ende onsen borchsate van der Horst, ende heren Arnoude van IJsselsteyne^r, onsen neve voirs. ende onsen borchsate van Stoutenberch^s, dat si onse huse ende borghen voirscreven nyemant op leveren noch in handen laten comen ten si bi sgraven wille voirscreven of siere erfnamen, mair dat sire op bliven^t ende onder houden toit ter tijd toe dat wi den grave of sinen erfnamen van der belofte ende sekeringhe die hi onsen borghen voirscreven ghedaen heeft, alst voirscreven es ende openbair es bi sinen openen brieven, ende van alre ander^{u v} borchtochte die hi voir ons ghedaen heeft ende van allen coste ende scade die hem dair of quame, ontheven hebben ende scadeloes houden, sonder archlist.

Ende wi Thomaes van Diest, Willaem^w here van Boecstel^x ende Arnoud^y van Yselsteyne^z, riddere, borchsate van den drien husen voirscreven, om onsen lieven here den grave voerghenoemd ende sinen arfnamen te bet te versekeren ende te verwaren in desen stucken beloven ende verbinden ons selven ende onse arfnamen^a' bi onser trouwen ende sekerhede ende bi onsen ede, alse bi beveelnisse^b' ons lieves heren des biscops voirs., des graven helpere te sine^c' voirscreven ende dat wi noch onser ghene noch onse arfnamen die voirs. huse niemand op leveren sullen noch in handen laten comen na onser macht, sonder archlist, ten si bi ons heren sgraven wille voirs. of siere arfnamen, mair dair op te bliven ende onder te houden toit ter tijd toe dat hi van allen beloften ende sekerheden alst voirscreven es ende van allen coste ende scade die hem dair op quame quite ende scadeloes ^d' ontheven si, sonder archlist; ende so wanneer die grave of sine arfname ontheven sien ende ghequit sien van alre belofte voerscreven ende van allen coste ende scade die hem dair of quame, so zullen wi ende onse arfnamen^e' behouden ande den huse ende ambochten alle brieven ende alle voerwarden die ons onse lieve here van Utrecht dair of beloeft^f' ende bezeghelt hadde mit sinen openen brieve, het si vore ofte nae. Ende ware dat sake dat wi Jan biscop tUtrecht voirs. enich van desen borchluden^g' voirs. ontsetten of^h' so voldaen^i' in alder voerwarden dat die ghene ghedaen hadde diemen of dede ende des sinen openen brief den grave overgheven, ende waneer wi Jan biscop van Utrecht voirs. kenlic^j' ghequit hebben den grave of sinen arfnamen ende onse borghen in allen manieren alst voirscreven es, so es dese brief doet.

In kennessen hier of ende dat wi dit trouweliken houden sullen ende willen, so hebben wi Jan bi der ghenade Gods biscop tUtrecht, Thomaes^k' van Diest, Willaem^l' here van Boecstelle ende Arnoud van IJselsteyne^m' voerscreven desen brief open bezeghelt mit onsen seghelen. Ghegheven tUtrecht op sente Pieters dach ad cathedram int jaer ons Heren M CCC° een ende dortich.