Registers van de Hollandse grafelijkheid 1299-1345

Gijsbrecht uten Goye verklaart dat hij zijn huis in Het Goy met voorburcht en de hofstede daar het op staat heeft opgedragen aan graaf (Willem III), die het hem in recht leen heeft teruggegeven met de bepaling dat het altijd een vrij huis voor de graaf zal zijn.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. UT 160, een latere heruitvaardiging met enkele wijzigingen, alsmede nrs. UT 157, 161 en 165.

Allen den ghenen die desen brief sullen sien of hoiren lesen make ic cond[ Ghise]brecht^{b c} uyt den Goye dat ic minen here den grave van Heynnegouwen^d, van Holland^e etc. g[hegheven] hebbe ende op ghedraghen toit eenen vryen eyghen mijn huys ten Goye mit den[ voir]burghe ende mit der hofstede dairt op staet, ten uteren cante toe van der uterster cing[helen], ende dit voirseide huys ^f mit den voirburghe ende mit der hofsteden voirscreven heeft m[ijn] here die grave voirs. mi weder verleent ende minen erfnamen van hem ende van sinen erfnam[en] toit eenen^g rechten erfleene te houden, in manieren dat dit huys alsoe alst voirscreven is altoes sijn open huys wesen sal ende siere erfnamen, soe wilke tijd dat sijs begheren, ende dat ic ende mijn erfnamen hem dat huys rumen sullen als sijs te doene sullen hebben; ende als si thuys ghebeseghet hebben ende sijs niet meer te doene en hebben, soe sullen si mi of minen erfnamen thuys scadeloes weder leveren in al den rechte en in al den wesene dat ict hem leverde. Ende alle stucken sonder archlist.

In orkonde desen brieve beseghelt mit minen seghele^h. Ghegheven toitⁱ Dordrecht^j des manendaghes na Palmen int jair ons Heren M CCC twee ende dortich.