Registers van de Hollandse grafelijkheid 1299-1345

Graaf Willem III beleent ten overstaan van zijn leenmannen Pieter van Lingestein, zoon van heer Otto heer van Asperen en Eza, met de 8 morgen land in de Nederste maat in het gerecht van Deil die deze hem daartoe had opgedragen; voorts regelt hij de vererving van dit leen.

Vgl. het volgende nr. UT 159.

^b Wi Willem^c grave^d van Heynnegouwen^e, van Holland^f etc. maken cond etc. dat Peter^g van Linghensteyne^h, sone heren Otten sheren van Asperen die hi bi Eszen heeft, quam voir ons ende voir onse manne, vrilic ons opdroech om ghunsteⁱ ende om^j voirdernijs achte marghen lands gheleghen in den gherechte van Deille in die Nederste mate, tuschen Willem^k van Tule ende die ghemeene steghe^l, wilc^m land voirnoemd wi desen voirnoemden Pieter weder verliet hebben ende verlien met desen openen brieve van ons ende van onsen nacomelinghen graven van Hollandⁿ te houden ten rechten erfliene ten Zuytfenschen rechte ende niet te versterven, ende te verhergheweden soe wanneer dat ghevelt^o mit eenen ponde goids ghelts, eenen coninx Tornoyschen^p voir twelf penninghe gherekent jof payment dat dair jeghens goet is; ende wair dat sake dat Pieter voirnoemd storve sonder wittelijc gheboirt, soe soude dit voirnoemde land comen op sinen outsten broeder van der selver^q gheboirt, ende altoes te bliven ende terven op wat^r gheboirt, est sone est dochter, die die here van Asperen^s bi Eszen heeft of hier namaels^t crighen mochte. Hier waren onse manne die here van Voirne, burchgrave van Zeeland^u, hair Willaem^v van Duvenvoirde, here van Oysterhout^w, ende hair Jan van Polanen, ridders, dair dese voirwairden ghescieden ende over een ghedraghen worden^x.

Ende omme dat dit te vaster ende te seker si, soe hebben wi desen brief beseghelt mit onsen seghele. Ghegheven int jair ons Heren M CCCC drie ende dortich op den Paisch avond.