Registers van de Hollandse grafelijkheid 1299-1345

Graaf Willem III en zijn zoon Willem, graaf van Zeeland, verklaren dat burgemeesters, Raad en gemene stad van Utrecht geld hebben voorgeschoten om de schuld van de bisschop af te betalen, en dat zij zolang zij de voogdij over het Sticht aan deze zijde van de IJssel uitoefenen de burgers in hun bescherming opnemen, zowel in hun eigen land als in het Sticht, dat zij de privileges van de stad waarborgen, en dat zij in de Stichtse ambten personen zullen aanstellen die naar zij verwachten zullen werken ten nutte van kerk, land en stad.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. het voorafgaande nr. UT 169.

Willem^b ..grave van Heynnegouwen^c, van Holland^d ende here van Vriesland ende Willem zone des graven voers., ..grave van Zeelland^e, maken cond allen luden. Want die borchmeesters, Raed ende die ghemeene stat van Utrecht omme jonsten wille die zij hebben dat Ghestichte van Utrecht^f in sinen stane te houden ende onsen here den biscop van Utrecht ute siere scout te helpene ende in zinen stane weder te bringhene, ende omme goede jonste wille te crighene met ons ende met onsen lande, hebben gheleend in ghereeden ghelde eene somme van penninghen des biscops scoud te verlegghene, daer zij onse brieve ende onse borghen van zekeringhen of bezeghelt hebben; soe willen wi alle die tijd doeren^g dat dat Ghestichte van Utrecht an dese zide van der Ysele te Holland^h werts in onser monbaerscip ende bedrive staen sal, also als die biscop van Utrecht voerseyt in onsen handen gheset heeft, der stat van Utrecht ende alle horen burghers van hore stat jonstich ende vordeliken sien in allen redeliken ende reckeliken saken, also verre als hore burghers ombroekich sullen sijn jeghens ons, onse lude ende onsen lande, ende nemen die burghers van Utrecht ende hoer goed in onse bescermte ende in onsen gheleyde in onsen lande, mid al sulken rechte als zij sculdich sien, ende in den Ghestichte van Utrecht te bescermen ende te gheleydene also als een monbaer binnen zinen bedrive van der monbaerscipe is te doene, ende wi en willen niet dat men hoer burghers yed campe. Voert sullen wi sulker privilegien ende brieve als sij hebben van den coning Willemⁱ ende van ons, ende anders wilcore ende recht die hem die biscop van Utrecht mid rechte sculdich is te houdene, hem houden alse verre als recht is ende wi als monbaer in onsen bedrive van den Ghestichte sculdich sien te doene. Voert sullen wi ende willen in den ambochten van den Ghestichte voers. binnen onsen bedrive al sulcdanighe luden ende personen setten die wi hoepen ende vermoeden dat verwaren ende bedriven sullen toter ecclesye ende des Ghestichts ende der stat oerbaer ende ruste, ende die of ende ane te doene wanneer ende also dicken alst ons oerbarlic donken sal omme die beste oerbaer ende ruste vander ecclesie, van den landen ende van der stat. Ende alle stucken voerscreven sonder arghen list; ende dit sal gheduren alse langhe als wi beyde of onser eenich ^j monbaer wesen zullen des Ghestichts als voers. is bi zulken over een draghene ende beveelnessen als wi daer of hebben van den ..biscop^k die nu is.

In orconde desen brieve bezeghelt met onsen zeghelen. Ghegheven tote Valenchijn des^l donresdaghes na sinte Agathen dach int jaer ons Heren M° CCC vier ende dortich.