Registers van de Hollandse grafelijkheid 1299-1345

Graaf Willem IV beleent zijn bastaardoom Hendrik Immezoetenz. met 200 pond zwarten Tournois jaarlijks uit de inkomsten van de watermolen en de windmolen te Reimerswaal, uit te keren door de rentmeester van Bewesten Schelde, welk jaargeld in de plaats komt van de 120 pond zwarten Tournois jaarlijks die hij Hendrik eerder gegeven had.

Vgl. het volgende nr. WI 123.

Willaem grave van Hennegouwen^a etc. maken cont allen luden dat^b wi Heynric^c Ymzoeten sone, onsen bastaert oem, ghegheven ^d hadden C XX lb. zwerte Tornoyse^e tsyairs up onse watermole ende wintmolen te Reymers zale^f, daer hi onsen open brief of hadde dien hi ons up ghegheven heeft ende ghescoert es, soe hebben wi hem versien ende ghegheven II^C lb. zwerter Tornoyse^g tsyairs van ons ende onsen nacomelinghen^h hem ende sinen nacomelinghen te houden in rechten lene, welke II^C lb. Tornoyseⁱ tsyairs wi Heynric voers. ende sinen nacomelinghen bewijst hebben ende biwisen alle jare in^j te nemen vanden eersten ghelde dat vallen^k zal van onsen renten die vallen zullen van onser watermolen ende van onser wintmolen tot Reymerswale^l voers. bi ons rentemeysters hand van Bewester Scelt in Zelant^m die nu is of hier namaels wesen sal, tot al suuilkenⁿ torminen als onse renten daer of alle jaer in comen zullen; ende onbieden onsen rentemeyster van Bewester Scelt in Zelant die nu es of namaels wesen sal dat hi Heynric^o voirs. ende sinen nacomelinghen uut reke ende betale alle jare tot elken tormine dese voirs. renten van den molen voirs. sonder enich ander ghebot van ons te hebben, ende dat hi daer of neme alle jare sinen open brief van quitantien voer ons^p mede te rekenen. Voirt waer dat sake dat wi Heynric^q onsen bastaert oem voirs. dese II^C lb. Tornoyse^r tsyairs voirs. tot anderen steden bewijsden, so soude onse molen voirghenoemt vry ende quite wesen.

In oirconde^s etc. Gehegheven tot Zierixc^t des saterdaghes voir sint Katrinen dach int^u jaer XLIIII.