Registers van de Hollandse grafelijkheid 1299-1345

Graaf Willem IV kent zijn nicht Catharina, dochter van heer Gerard de bastaard, een jaarrente van 30 pond Tournois toe uit de grashuur van de gors van Malland, in plaats van een gelijke jaarrente die zij eerder van hem ontving.

Willem grave van Heynnegouwen^b etc. maken cond allen luden. Want wi ghegheven hadden Katelinen heren Gherards^c bastairds dochter, onser nichten, van ons te houden in rechten liene XXX lb. Tornoyse^d tsyairs, die wi hoir bewijst hadden alle jare in tenemen van onsen rentemeyster Beoesterscelt^e in Zelant tot elken sinte Jans misse^f, dair si onsen brief of hadde dien si ons over ghelevert heeft ende ghescoert es, soe hebben wi Ketelinen voirs. die XXX lb. Tornoyse^g tsyairs bewijst in tenemen up onse gheerse van Mallant tot elken sinte Pieters daghe inghaende oichste^h van der ghershuyren van Mallant, behoudelic ons ons rechts ende onser heerlicheden jof wi dat lant voirscreven wilden doen diken, dat wi hoir dan bewisen mochten die renten voirs. tot anderen steden dair ons ghoet denct.

In orconde etc. Ghegheven tot Sierixe des vrydaghes na sinte Katrinen dach int jair XLIIII°ⁱ.