Registers van de Hollandse grafelijkheid 1299-1345

Graaf Willem IV bevestigt de schenking door zijn neef Willem de Cuser aan diens echtgenote jonkvrouw Machteld, dochter van Reinier van Heemstede, van een lijftocht bestaande uit 50 pond Hollands jaarlijks uit diens huis en nader omschreven erf te Schoten en uit de korentiende en smaltiende te Waverveen, of, indien die niet toereikend zouden zijn, uit diens goederen in de ban van IJsselmonde in de Riederwaard; voorts regelt hij de vererving van deze lijftocht als een erfleen.

Vgl. nr. WI 352.

Willem ..grave van Heynnegouwen^b etc. maken cond allen luden dat Willaem die Cuser, onse neve, quam voir ons ende makede met onser hand joncvrou Machtelden Reiniers dochter van Heemsteden, sinen wive, toit hore lijftochte vijftich pond Hollands^c tsyaers, in manieren dat hi hoir bewijst sine woninghe te Scoeten met dien erve dat dair toe behoirt, voir twintich pond Hollands tsyaers, wilc erve beleghen hevet up die suitside^d Jacob van Bakenisse ende up die noertside Claeys moeder van Bakenisse, ende up dat ^e ende die Brede wech ende up dat west ende die Ween^f wateringhe; voirt soe bewijst hi hoir an den corentiende ende an den smaltiende toit Waver veen dortich pond Hollands tsyaers, ende waer dat sake dat ane die dortich pond Hollands tsyaers yet ghebrake dat si niet vol en waren, dat soude si up heffen uyt sinen goede in Riederwaert^g, ligghende in den ban van Yselmonde. Voirt wair^h dat sake dat Willaem voirs. kinder wonne bi joncvrou Machtilden voirs., soe souden dese vijftich pond Hollands tsyaers voirs. comen ⁱ hoir kinder die van Willaems live voirs. comen waren, ende die soudent van ons voirt ten erfline houden, waert zoene waert dochter, ende up den zoene voir der dochter; ende wair dat sake dat si en ghene kinder hadde bi Willem voirs., soe soud dit voirs. goed comen up Willems voirs. erfname.

In orconde etc. Ghegheven in den Haghe des saterdaghes na sente Katerinen dach int jaer XXXIX^o.