Registers van de Hollandse grafelijkheid 1299-1345

Graaf Willem IV geeft aan Willem Woutersz. toestemming om een nader omschreven leengoed te Mijdrecht in vrij eigendom te verkopen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem grave van Heynnegouwen^a etc. maken cond allen luden dat wi Willaem^b Wouters^c f. oerlof ghegheven hebben^d in vryghen^e eyghen te vercopen twie acker lande, die breet sijn jeghens zeven gherden, die hi van ons te liene hevet, legghende te Midrecht^f in des proest gherechte van Sinte^g Jan, ende waren Tideman Bittermans^h zoens, binnen desen landghemerckenⁱ: Jonghe Meynards land op die noirtside, Roelof Outersars^j land up die zuytside, streckende vander Midrecht^k an die sceydinghe van Vinken vene; ende gheven him macht mit desen brieve van onsen weghen enen vrien eyghen te gheven van den lande voirs., ende gheloven dien te waren als men een vry eyghen sculdich es te verwaren.

In orkonde etc. Ghegheven te Hairlem^l des vrydaghes voir Palmen sonnendach int jair XXXVIII^o.