Registers van de Hollandse grafelijkheid 1299-1345

Graaf Willem IV bevrijdt, voor een bedrag van 50 pond Hollands, Meinard Meinardsz. van Loenerveen, diens echtgenote Aleid en hun met name genoemde kinderen, schoondochter, schoonzoons en kleinkinderen van de keurmede, tenzij zij zich opnieuw in onvrijheid begeven; de regeling kwam tot stand door tussenkomst van enkele met name genoemde (leden van de Raad).

Wi Willaem grave etc. maken cond allen luden dat wi bi heren Gheride van Eemskerke, Janne van Zassenem^b, Heynric^c heren Dierix zone, Willaem den Cuser ende Gheride^d Aelwijns zone hebben laten verdinghen Meynairde Meynard zone van Loenrevene, Aliden sijn wijf, Jacob, Aliden, Machtilden, Meynarde, Gheriden, Aven, Jutten, Pieter, Clayse ende Willaem^e, hore kindere, Aven, Jacobs wijf, ende Lizebetten, Jacobs dochter voirscreven, Manten, Aliden man, ende Aliden, Heynen, Willaems ende Bairten, Aliden kinderen voirscreven, Heyne Brauwen, Machtelden man, ende Aliden, Machtilden dochter voirscreven, van sulker coirmiede als si ons sculdich waren, omme vijftich pond Hollansche, dair si heren Gheride van Eemskerke tot onser behoef ghenoch of ghedaen hebben, diere ons of rekenen sal; ende scelden him ende hore nacomelinghe van deser coirmiede voirscreven vry ende quite, ten zie dat si him namaels verdieden.

In orconde etc. Ghegheven des dinxendaghes na sinte Pieters dach inghaende oisthe int jair ons Heren M CCC neghen ende dortich.