Registers van de Hollandse grafelijkheid 1299-1345

Graaf Willem IV belooft Jan van Vonderen, die van graaf (Willem III) 100 pond zwarten Tournois had gekregen om daarvoor diens leenman te worden, nogmaals 100 pond, te betalen binnen een jaar, met welke 200 pond Jan vrij goed zal kopen om dat van de graaf in leen te houden.

Willaem^b grave van Heynnegouwen^c, van Hollant, van Zeelland^d ende here van Vriesland^e maken cond allen luden dat onse lieve here ende vader, dair God die ziele of hebben moet, Janne van Vonderen^f omme sinen man te maken ende dienst van hem te hebben ghegheven^g hadde hondert pond suarter Tornoyse^h in ghereden ghelde, ende dat op segghen ende verbeteren Wenemairs van Valkenburch sijns clerx, die bi siere tijd gheen ende daer of en maicte, wilc ghelt hi belegghen soude an sekeren erve dat hi in liene houden soude; ende omme goede onste die wi tote Janne voers. hebben, soe hebben wi bi segghen ende over een draghen heren Henrix vander Lecke ende heren Dierix van Brederoeden hem daer toe ghegheven in der selver manieren hondert pond suarter Tornoyse, die wi him beloven doen te betalen binnen desen jare naest comende. Van wilken twien hondert ponden Tornoyseⁱ voirs. Jan voirs. onse man gheworden es, ende ghesekert hevet also dat hi binnen desen naesten jare voirs. die voirs. twie hondert pond Tornoyse bi heren Henric^j van der Lecke voirs. belegghen sal ende ons bewisen op goeden zekeren vryen erve, dat hi ende sine nacomelinghe van ons ende van onsen nacomelinghen ten rechten liene houden sullen. Ende als hi ons tenden desen naesten jare toe comende die bewisinghe van den goede over levert alst voirs. es, so sullen wi him voldoen ende betalen die hondert pond Tornoyse die wi him nou^k ghegheven ende beloeft hebben.

In orconde desen brieve bezeghelt mid onsen zeghele. ^l Tote Dordrecht^m op sinte Lambrechtsⁿ dach int jair ons Heren M^o CCC^o zeven ende dortich.