Registers van de Hollandse grafelijkheid 1299-1345

Gozewijn van Zivel, ridder, verklaart van graaf (Willem IV) 200 gouden schilden te hebben ontvangen, waarvoor hij ten overstaan van rechter en schepenen van Meerssen en van de getuigen heer Gozewijn van Ruchusen en heer Reinaard van den Berg, ridders, 12 bunder land op het Ambenderveld heeft opgedragen, welke hij van de graaf in erfleen zal houden; de oorkonde wordt meebezegeld door de genoemde getuigen en door heer Dirk van Monjoie, van Valkenburg, van Voorne en burggraaf van Zeeland, onder wiens heerlijkheid genoemd goed valt en die verklaart dat dit goed de 20 schilden waard is.

Ic Goeswijn van Zivel, ridder, make cond allen luden dat mich mijn lieve here van Holland^a ghegheven heft CC gulden mit^b scilden^c, in zulker ghevuech dat ic hem also vele van minen eyghenen goede op draghen sulde, ende dat sal ic van heme hauden ten erfleen niet verstervenden; ende daer om ben ic comen int ampt van Mersen voir rechter^d ende scepen ende druch op twelve^e bůnre lands die gheleghen sijn in Ambender^f velt op Colenre straet, ende gaf daer mijn vry eyghendom op tot mijns lieven heren behoef van Holland ende^g sulker ghevůech alst voirs. is. Hier over waren mede mijns liefs heren manne van Holland: haer Goeswijn van Ruchusen ende her Reynard van den Berghe, riddere.

In kennesse hier of soe heb ic desen brief beseghelt met minen seghel. Ende ic Goeswijn^h van Ruchusen ende Reynaird van den Berghe, ridder voirscreven, omme dat wi hier over waren gheroupen als ons liefs heren manne van Holland, soe hebben wi desen brief mede beseghelt mit onsen seghel. Ende ic Goeswijn van Zivel voirs., om minen lieven here van Holland te voldoen, zoe hebbe ic ghebeden minen here van Valkenburch dat hi ⁱ brif mede wil bezeghelen mit sinen seghel, als een here daer dit land^j onder gheleghen is. Ende wi Diederic here van Monyoye, van Valkenburch^k, van Voirne ende borchgrave van Zeeland, om bede wille heren Goeswijns van Tsivel ^l ende om dat ons cont es dat hi twelve bonre lants up ghedraghen heeft als voirs. es, ende si wel II^C scilde wardich zijn, soe heb wi desen brief voir biseghelt mit onsen zeghel. Ghegheven int jair XLV^o des anderen daghes na Invocavit.