Graaf Willem III beleent Willem van Oudshoorn met een stuk land genaamd de Geer in het ambacht Woerden, welk goed hem daartoe was opgedragen door Willem van Duivenvoorde.
Willem van Outshoirne.
In de marge, door een andere hand: Willem van Outshoerne.
Wi Willaema ..grave etc. maken cond allen luden dat voir ons quam Willaemb van Duvorde onse camerlinc ende droech ons op een stucke lands dat hi van ons helt te liene, niet versterven binnen eersten lede, ligghende binnen den ambochte van Wourden ende hiet die Gheer, tote Willaems behoef van Outshorne, wilken Willaemc van Outshoirne voirnoemt wijt verliet hebben ende verlien hem ende sinen nacomelinghen te houden van ons ende van onsen nacomelinghen in liene binnen eersten lede niet te versterven, ende beloven dair in te houden als een here sculdich es sinen man te houden.
In orconde etc. Ghegheven in die Haghe op sinte Michiels dach int jair XXIIIIo.
Per Willelmumd camerarium.