Registers van de Hollandse grafelijkheid 1299-1345

Graaf Willem III geeft Troveis Jansz. toestemming tot de verkoop van grafelijk leengoed in het ambacht Waarder aan de bisschop van Zuden, en geeft dit goed aan laatstgenoemde in vrij eigendom tegen betaling van het derde deel van de koopsom.

Wi Willaem^a ..grave etc. maken cond allen luden dat Troveis Jans sone bi onsen oirlove vercoft hevet onsen lieven ende ghetrouwen den bisscop van Zuden tene vryen eyghen jeghens ses morghen lands ligghende int ambocht van Waerder, die Troveis voirs. van ons te liene plach te houden, elke morghen omme ses pond Hollands^b; ende want ons die bisscop voirs. den derden penning dair of betaelt hevet, zoe gheven wi hem van desen voirscreven lande enen vryen eyghendom met desen brieven bezeghelt met onsen zeghele.

Ghegheven in die Haghe des sonnendaghes voir sinte Victors dach int jair XXIIII^o.