Registers van de Hollandse grafelijkheid 1299-1345

Graaf Willem III doet samen met de Raad uitspraak in het conflict tussen de erfgenamen van heer Jan van Schengen, ridder, Gillis Willemsz. van de Maalstede en jonkvrouw Marie, dochter van heer Jan en echtgenote van Gillis.

Op dezelfde dag deden graaf en Raad nog uitspraak in twee andere zaken; zie Van Mieris, ChHZ II, p. 171-173.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^b grave van Henegouwen^c etc.^d maken cont allen luden^e dat dit onse segghen es twischen ons ghetrous ridders heren Jans eerfnamen van Scenghen ende Gillis^f Willaems^g sone van der Maelstede^h ende joncfrouwen Marien heren Jans dochter voers., sinen wive, alse van allen twiste ende alle voerwaerden die si mallic jeghens anderen hadden alse van Gillise ende joncfrouwen Marien huwelijcⁱ voers. In den eersten so segghen wi dat al dat Gillis voers. eeschende is of hevet gheweset eeschende tote den daghe van huden heren Jans erfnamen jof joncfrouwen Marien voers. van allen dinghen, eist in afterstalle van renten jof van ghelde of in coste of omme pladieringhe die die voerseide Gillis daer toe of daer omme ghedaen hevet, quite zullen wesen^j ende nemmermeer dat voert brenghen en zal; ende sal hem verlaten ende vertien allen^k der brieven die hi hevet bejaghet jeghens heren Jans erfnamen jof joncfrouwen Marien sinen wive voers., ende die op gheven of daer toe wedersegghen purelike sonder arghelist. Vord so segghen wi dat heren Jans eerfnamen voers. bewisen zullen Gillise voers. in zekeren goede met joncfrouwen Marien sinen wive voers. vijftich pond jaers^l Tornois^m, enen groten Tornoisⁿ voer XVI penninghen; ende willen si dese renten van Gillise jof van joncfrouwen Marien sinen wive, daer die renten van die L lb. voers. hore ghegheven es te haren huwelike, van hem lossen, zo moghent^o sijt lossen met X lb. gherets^p ghelts, een pond payments voers.: dat ware van den vijftich lb. voers. te betalen vijf hondert pond payments voers. Vord so segghen^q wi dat Gillis^r voers. joncfrouwen Marien sinen wive voers. zal ere draghen ende ere doen in al diere manieren dat elc goet ende ghetrouwe man sinen ghetrouwen wive sculdich es te doene ende die heilighe Kerke wiset, ende si hem oec dies ghelike; ende ware dat zake dat Gillijs^s voers. niet en dede jeghens joncfrouwen Marien sinen wive alst voerghesproken es, ende joncfrouwe Marie voers. Gillise horen man alse si sculdich es te doene ende voerghesproken es, ende si mallic anders bedde scouwen^t ende dede hem kenliken noet jof des anders bedde verboerde met sinen werke dat men kenlic ^u proeven mochte met waerheden, so soude die ghene die dit verbrake jof jeghens dede verboren van sijns selves dele van sinen goede X^C lb. payments voers.: ons V^C lb. ende dien ghenen V^C lb. daer ment up breken soude.

In orconde etc. Ghegheven ende gheseit bi ^v onsen Rade in Middelburch^w des sonnendaghes na Midvasten int jaer ons Heren M CCC ende zestiene.