Registers van de Hollandse grafelijkheid 1299-1345

Graaf Willem III beleent Hugo Nicolaasz. met 4 gemet land, welk goed deze hem daartoe had opgedragen in ruil voor 4½ gemet in Elkerzee die hij van de graaf in leen hield en verkocht heeft.

De onderstaande tekst is gebaseerd op afschrift B.

Wi Willaem grave van Heynnegouwen^{c d} etc. maken cond allen luden dat ons Hughe Clays^e sone gheghift ende op gedraghen hevet viere ghemete lands, wilc land gheleghen es binnen desen ghemarken: drie verendeel dair Gillijs^f Yemans sone op wonet, een ghemet leghet^g voir Hughe Clays^h soens huys tuysken sijn huys ende den herewech, ende neghen verendeel in een stuc dair leghet Willaemⁱ Lambrechts^j sone an die zuytside, Goys^k Hughen sone ane die noirtsyde, die herewech an die oistsyde ende die Zantee^l an die westzide, over vijftalf ghemete lands^m die hi van ons te leene helt die Witte Bonefaesⁿ soens waren, legghende in Elkerzee^o, ende die hi bi onsen wille vercocht hevet arve te blivene; wilke viere ghemete lands voirseyd wi gheven Hughen voirnoemd^p van ons in rechte leene te houden.

In oirkonde desen brieve etc. Ghegheven tote Zerixee^q op sinte Doemaes^r dach int jaer ons Heren M CCC een ende twintich.