Registers van de Hollandse grafelijkheid 1299-1345

Graaf Willem III vergeeft Willem en Hendrik, zoons van de balling Hugo Willemsz. van Duiveland, de misdrijven van hun vader waarvoor hij hen aansprakelijk hield, en geeft hun de van hun vader geconfisqueerde 8 morgen land bij Schakerloo terug, tegen betaling van 4 pond groot; zij beloven hem trouw te dienen.

De onderstaande tekst is gebaseerd op afschrift B.

Wi Willaem grave van Heynnegouwen^{b c} etc. maken cond allen luden dat wi bi Janne den Keyser onsen rentemeester van Zeeland^{d e} vergheven hebben Willaeme^f ende Heynrike^g, Hughe Willaems soens kindere van Duveland, alsulke broke als wi op hem te segghen hadden van hoirs vaders weghen voirs., die onse ballinc was; voirt hebben wi hem weder ghegheven achte morghen lands of dair omtrent die ons anequamen van horen vader voirseyd, ende die gheleghen sien in Scakersloe^h, also verre als si onsen rentmeester voirs. betailen tonser behoef vier pond grote ende ons mit sinen open brieven toghen dat hise ontfaen hevet. Ende hier bi hebben si ons ghelovet ghetrouwe te wesen ende te dienen jeghens elken man, sonder archlist.

Ghegheven toit Zeerixeeⁱ des vridaghes na Ascentien dach int jaer ons Heren M CCC twie ende twintich.