Registers van de Hollandse grafelijkheid 1299-1345

Graaf Willem III scheldt Willem Antonisz. van Kortgene diens schulden kwijt op 6 pond groten Tournois na, voor welk bedrag Willem hem tienden in het ambacht Kortgene heeft opgedragen, met de bepaling dat Willem die tienden kan lossen wanneer hij vóór 11 november eerstkomend de rentmeester van Bewesten Schelde alsnog die 6 pond betaalt.

Wi Willaem^a grave van Henegouwen^b, van Holland, van Zeeland^c ende here van Vrieseland^d maken cond allen^e luden dat^f wi Willaem^g Tonijs^h soneⁱ van Cortekene^j quite ghescouden hebben van allen ouden afterstalle dat hi ons scoudich was, op ses pond grote koninx Tornoyse^k; soe hevet ons Willaem^l voirs. op ghedraghen in vrien eyghen voir dese ses pond grote voirscreven in der jeghenwordechede onsen mannen ende ons ghemeens Raeds vier ghemete tienden legghende int ambocht van Cortekene^m twisken Jacopⁿ Willaems sone ende den dijc, ende anderhalf ghemete tienden legghende int ambocht voirs. twisken die woestine weghele ende dien middeldijc, ende wi hebben Willaem^o voirs. gheoerloft dat hi dese tienden voirscreven lossen moghe^p alzoe verre^q als hi onsen rentemeyster bi westen der Sceld^r voldoe van ses pond groten koninx Tornoysen^s twisken hier ende sente Martijns^t misse in den winter^u naest comende.

In orkonde desen brieve bezegheld med onsen seghele^v. Ghegheven in Middelburch^w des vridaghes na sente Odulfs^x daghe int jaer ons Heren dusent driehondert vijf ende twintich.