Registers van de Hollandse grafelijkheid 1299-1345

Graaf Willem III gelast de poorters van Zierikzee die procuratoren zijn van de minderbroeders aldaar, die onder zijn bescherming staan, dat zij ervoor zorgen dat de minderbroeders daadwerkelijk in het bezit komen van de hun gedane schenkingen en daarbij niet meer gehinderd worden; voorts beveelt hij alle goede lieden van de stad daarin behulpzaam te zijn.

Wi Willaem^a grave etc. onsen goeden luden portre tot Zirixe^b die nu der^c minderbruders aldaer procurators sijn jof wesen zullen, saluit met goder jonste. Want wi verstaen dat ons gode vriend^d die minderbrudere van Zirixe^e, die wi in onse bescermenesse ghenomen hebben ende nemen^f, menigerhande hinder ende wederstoet hebben te vercrighene alzulke almoesen ende testamente als hem jof te haren behoef ghegheven worden jof bewijst, dat ons leet es ende wi^g niet ghedoghen willen, so ombiden wi ende bevelen ju^h allen ende elker besonder die nu hare procurators zien jof wesen zullen met desen briefe dat ghi van onsen weghen hem ende te hairenⁱ behouf innet met warliken rechte jof met geesteliken al dat hem ghegheven word jof ghegheven es ^j ende al dat hem bewijst word jof bewijst es in almossen, in wat manieren dat sij; ende ombieden allen onsen goden luden van onser port van Zirixe^k vorseit dat zij hier in vorderen ende helpen dat die midderbroders^l haren almoesen ghenaken.

Ghegheven etc. des maensdaghes na Paschen int jar ons Heren M^o CCC^mo XXVII.