Registers van de Hollandse grafelijkheid 1299-1345

Graaf Willem III beleent Jan Oom, poorter van Dordrecht, met het schroodambacht aldaar, dat hij eerder ten onrechte aan Herman Hendriksz. had gegeven en dat die op zijn bevel voor schepenen van Dordrecht aan Jan heeft verkocht.

De onderstaande tekst is gebaseerd op afschrift B.

Wi Willaem^b grave van Henegouwen^c, van Holland^d etc. maken cond allen luden. Want^e wi Harman Heynrix sone, onsen poirter van Dordrecht^f, ghegheven hadden met onsen brieve terste scroedanboch van Dordrecht^g dat verscinen ^h soude in onser poirte van Dordrecht, behoudenⁱ die ghifte die wi tevoren ghegheven hadden met onsen openen brieve andren luden, ende die voirseyde Harman sijn verval van dien scroet ambochte vercoft^j hevet bi onsen wille Jan Oem onsen poirter van Dordrecht^k, ende hevet hem voir scepene^l van Dordrecht^m dien zelven open brief op gedraghen dien hi van ons bezeghelt hadde van den voirnoemden scroetambochte alse van sinen vervalle in sijn ghezach te wesene ende tverval te houdene ghelike dat hi selve ghedaen zoude hebben, wilc verval van den scroetⁿ ambochte voirs. wi Jan Oem voerseyd verlijt hebben ende verlien in die zelve vorme ende maniere dat wijt Harman Heynrix zone verliet hadden met onsen open brief, dair dese brief doir ghesteken^o es, ende zullen hem dat vast, zeker ende ghestade houden ghelike dat wijt Harman voers. ghedaen zouden hebben, waerd hem ghebleven; sonder argheliste.

In oirkonde desen brieve etc. Ghegheven in Middelburch^p op den Paesdach int jaer ons Heren M CCC drie ende twintich.