Registers van de Hollandse grafelijkheid 1299-1345

Graaf Willem III beleent zijn knaap Pieter Wieriksz. met de 8 pond Hollands per jaar die diens vader Wierik van Breda ook al van hem in leen had gehouden.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken cond allen luden dat wi Pieter^d Wierinx zone, onsen trouwen man ende knape, omme menighen trouwen dienste die hi ons ghedaen hevet ende noch doen zal, hebben ghegheven ende gheven van ons te houdene te rechten liene die achte pond Hollands^e sjaers die wi Wieric^f van Breda^g sinen vader ghegheven^h hadden met onsen brieve, dair hi onse man of was; ende ombieden onsen rentemeyster van Zuythollandⁱ, so wie hi es jof hier na comen zal, dat hi Pieter voirs. die VIII lb. Hollands^j sjaers gheve ende betale elkes jaers te Paeschen, ende van alsoe vele^k zullen^l wine quiten ende ons houden ghepait in siere eerster rekeninghe met Pieters brieve voirseyd bezeghelt met onsen zeghele.

In oirkonde desen brieve etc. Ghegheven in Middelburch^m op den Paesdach int jaer ons Herenⁿ M CCC drie ende twintich.