Registers van de Hollandse grafelijkheid 1299-1345

Graaf Willem III neemt de begijnen van Dordrecht, van wie een deel de Orde van penitentie heeft aangenomen, op in zijn bescherming, samen met hen die nieuw zullen toetreden alsook met de voormalige begijnen die op het begijnhof blijven wonen, zolang zij zich goed gedragen, en bepaalt dat zij in het bezit van hun oude rechten zullen blijven.

De 'Orde van penitentie' is de derde orde van sint Franciscus.

Wi Willaem^a grave etc. allen den ghenen die desen brief sullen zien, saluyt ende al goid. Want een deel joncfrouwen des hoefs der begghinen^b in Dordrecht hebben ane ghenomen een oirde^c die^d gheheten es Ordo der penitentie, die ghesticht ende comfirmeert es van den Stoel van Romen als wi verstaen hebben, dat wi prisen ende loven; wair bi dat wi dese joncfrouwen ende al^e andere die toite him in deser voirseider ordine comen in Dordrecht ende die andre jonvrouwen die beghinen waren ende noch in desen voirseyden hoefve wonen alzoe langhe als si him wel ende eerlike houden nemen in onse bescermenesse, ende willen dat zi hoiren hof ende hair huysinghe besitten ende ghebruken in al dien rechte dat zi plaghen te doene doe si beghinen waren, want tbeghijn hof voirseyt van onsen^f voirvorders graven van Holland^g eerst ghefondeert ende ghesticket^h was. Voird want wi begheren deser voirseyder joncfrouwen voirtganc in allen gheesteliken stucken, soe bevelen wi narensteliken onsen rechtere, scepene ende Raed in onser poirte van Dordrechtⁱ, wie si sien in deser tijd, dat si dese voirnoemde joncvrouwen jonsteliken helpen^j ende vorderen in allen stucken dair zies begheren.

In orcunde desen brieve beseghelt met onsen zeghel^k. Ghegheven te^l Sente^m Gheerden berghe op sente Jans dach te middezomer int jaer ons Heren M^o CCC^o ses ende twintich.