Registers van de Hollandse grafelijkheid 1299-1345

Graaf Willem III kent vrouw Kunigonde, vrouwe van Arkel, een jaarrente toe van 300 pond Tournois uit de tol van Ammers, uit te keren totdat haar oudste zoon meerderjarig zal zijn geworden, dit alles in het kader van een door hem en de bisschop van Utrecht geregelde schikking tussen haar en Jan van Arkel.

Vgl. het in het register volgende nr. ZH 234.

Wi Willaem^a grave van Henegouwen^b etc. maken cond allen luden dat wi veren Conegonden^c, der vrouwen van Arkel, alse van der effeninghe die die bisscop van Utrecht ende wi makeden twischen Jan van Arkel ende hair te Lintscoten, alse van zulken eyske als si eyskede mit horen brieven belovet hebben ter tijd toe dat hoir^d outste soen sine daghe hevet drie hondert lb. Tornoyse^e, den groten over XVI d. Tornoyse^f gherekent, hoer te betalen alle jare jof horen ghewaerden bode toet Ammers^g in onsen tolne, die ene helfte te^h sinte Pieters daghe in den lentenⁱ ende die ander helfte te^j sinte Lambrechts daghe^k dair naist comende, ende alsoe van tide te tide^l; ende wair dat zake dat wize hoir niene^m betaelden toten terminen voerscreven, wat cost dat si daer omme dede dien zouden wi hoir op rechten. Ende zo wilke tijd hoir outste zone sine jare hevet, zoe zullen wi van dezen verbande quite wezen, ende zullen ver Conegontⁿ die vrouwe van Arkel voerscreven ende hoir kinder ende Jan^o van Arkel in al die rechte wezen dat si waren eer wi deze effeninghe ter Lintscoten maecten; ende alle pointen sonder arghenlist.

Ghegheven in den^p Haghe des zaterdaghes up sinte Bartholomeus^q avond int jaer van XXVI.