Registers van de Hollandse grafelijkheid 1299-1345

Gerard heer van Voorne en burggraaf van Zeeland, Ricoud van Heeswijk proost van Sint Pieter te Utrecht, Arnoud van Heukelum ridder en Arnoud van Houweningen knaap beloven graaf Willem III elk jaar in het tolhuis van Ammers de 300 pond Tournois uit te keren die deze aan vrouw Kunigonde vrouwe van Arkel heeft toegezegd, en dat zij wanneer zij daarin in gebreke blijven te Dordrecht in leisting zullen gaan.

Vgl. het in het register voorafgaande nr. ZH 234.

Wi Gheraerd^b here van Voerne^c ende borchgrave van Zeland^d, Ricout^e van Heyswijc proist te Sinte^f Pieters tUtrecht, Arnoud van Hoeclem ridder ende Arnoud van Houweninghen knaip^g maken cond allen luden dat wi ghezamender hant ende elc voer al gheloeft hebben ende gheloeven mit dezen brieve enen edelen prenche ende enen moghenden, onsen lieven here heren Willame^h grave van Henegouwenⁱ etc., alse van der effeninghe die die bisscop van Utrecht ende hi makeden tusken veren Conegonden^j der vrouwen van Arkel te Lintscoten ende Jan van Arkel, alse van zulken eiske als si mit horen brieven eyskende was, hem te betalen alle jare ter tijd toe dat ver Conegonden^k voirscreven outste zone sine daghe hevet CCC lb. Tornoyse^l sjaers, den groten over XVI d. Tornoyse^m gherekent, die ene helfte te sinte Pieters daghe in den lentenⁿ naist comende ende die ander helfte daer na te sinte Lambrechts^o daghe^p naist comende, ende hem die ^q talle^r terminen te leveren in sijn tollen huis toit Ammers^s, ende also voird van tide te tide ter tijd toe dat veren Conegonden^t outste sone voers. sine daghe hevet. Ende wair dat zake dat wi hem niene betaelden telken termine voerscreven jof zinen ghewaerden bode alse voerscreven is, zoe gheloven wi onvermaent in te comen Tordrecht^u te leysten, ons selven te winnen ende te quiten in enen herberghe die ons die rentemeester^v van Zuitholland^w jof die tolnair van Ammers^x wizen zal, ende niet dair uyt te sceiden eer wi hem te vollen voldaen hadden. Ende wair dat zake dat wi selve niet leisten en mochten, zoe zouden^y wi elc ridder ende proist twie goede knapen, ende Arnoud van Houweninghe enen goeden knaip voer ons legghen Tordrecht^z leisten, in^a' allen manieren dat wier selve legghen zouden alse voerscreven is; ende alle stucken sonder arghenlist.

In kennesse hier of zoe hebben wi dezen brief open bezeghelt mit onsen zeghele. Ghegheven in den^b' Haghe des zaterdaghes up sinte Bartholomeus^c' avende int jaer van^d' XXVI.