Registers van de Hollandse grafelijkheid 1299-1345

Graaf Willem III beleent heer Jan van Polanen, ridder, en diens broer heer Willem van Duivenvoorde, ridder, heer van Oosterhout, gezamenlijk met het huis en 62 morgen land in De Lier en met tienden, welke goederen heer Willem al in recht leen hield; voorts regelt hij de vererving van het leen.

Vgl. nr. ZH 353.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave etc. maken cond etc. dat wi omme trouwe dienste die hair Jan van Polanen^b onse trouwe ridder ende sine vorvorders ons dicke wilen ghedaen hebben ende hi ons noch doen sel, hebben ghegheven ende gheven mit desen brieve die ghesamender hant mit heren Willame^c van Duvoirde^d onsen ridder, here van Oisterhout^e, sinen broeder, alse van den huse in der Liere mit LXII morghen lands luttel mijn jofte meer dair ommetrent gheleghen, die Dieric van den Wale, dair God die ziele of hebben moit, cofte jeghens Hughelijn uter Liere, ende van der tiende die Dieric van den Wale voirs. cofte jeghens heren Vranken van Hoyliede, wilc huys, land ende tiende hair Willaem^f voirs. van^g ons hout in rechten liene ende wi heren Janne van Polanen^h sinen broeder voirs. hebben ontrumet ende ghegheven die ghesamende hand mit heren Willameⁱ, in dier manieren: wair dat heren^j Willaems^k ghebrake sonder wittachtighe gheboirte van him te laten, dattet comen soude op heren Janne voirs. in liene te houden, in dier manieren dattet na heren^l Jans doit voirs. comen zal op Philips^m sinen sone die hi nu hevet, diet houden zal in rechten liene; wair oec dat sake dat Philipsⁿ voirs. ghebrake voir heren Janne sinen vader, soe soud comen na heren^o Jans doit op sinen outsten wittachtighen sone die hi liete, ende die sout houden in rechten liene^p van ons ende van onsen nacomelinghen ^q.

Hier over waren onse lieve neve here Gheraerd^r here van Voirne, borchgrave van Zeeland^s, here Gheraerd^t here van Pottis^u onse ridder ende meester Heynric van Gheldenake onse clerc. In oerkonde etc. Ghegheven te Valenchijn^v des donresdaghes voir^w Midvasten int jaer ^x XXIX^o.