Registers van de Hollandse grafelijkheid 1299-1345

Graaf Willem III bepaalt dat heer Jan van Polanen, ridder, diens broer heer Willem van Duivenvoorde, mocht die komen te overlijden zonder wettig nageslacht, zal opvolgen zowel in de burcht en het gerecht te Geertruidenberg met de inkomsten daaruit, welke burcht Jan als een open huis zal bewaren voor de grafelijke familie, alsmede in een aantal leengoederen te Almonde, Dubbelmonde, Twintighoeven, Hazerswoude, Nootdorp en het Geerland.

Vgl. nr. ZH 352.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem grave van Heynnegouwen^a etc. maken cond etc. dat wi omme trouwen dienst die hair Jan van Polanen^b onse trouwe ridder ende sine vorvorders ons dicke ghedaen hebben ende hi ons noch doen zal, hebben ontrumet ende bevolen toit sinen live, wair dat heren^c Willame^d van Duvoirde^e sijns broeders voir him ghebrake, onse borch toite Sente Gherden^f berghe mit den gherechte binnen der vrihede aldair, omme  den derden penning van den vervalle ende boeten op te heffen van den gherechte ghelike anderen ambochts heren in Zuytholland^g, ende onse voirs. borch behoeden  ende verwaren mit dien datter toe behoirt tote onser behoef ende oirbair, onser ghesellinnen der gravinnen ende onser kindere, altoes open ende ghereyt hebben toit onsen ende horen^h ghebode, ende dair in ghetrouwe te wesen als een borch sate sculdich es te doene ende hi ons ghesuoeren heeft. Voirt hebben wi heren Janne van Polanenⁱ voirs. ontrumet ende verliet toit sinen live in liene te houden, wair^j dat heren Willaems^k ghebrake sonder wittachtighe boirte van him te laten, alsulc lien goed als hair Willaem^l voirs. van ons hout ende hier na ghescreven staet, alse die ambochten ende gherechten van Almonde, van Dubbelmonde ende van XX hoeven mit al den renten ende vervalle dair ^m binnen gheleghen also als hair Willaemⁿ nu van ons hout, ende XXV lb. Hollands^o sjaers die hair Willaem^p hout van ons uter tiende van Hasarts woude^q, ende VIII hoeven moers tote Noitorpe mitter tienden alse hair Willaem^r van ons hout, ende XXVIII merghen lands luttel mijn jofte meer datmen hiet dat Gheerland ende hair Willaem^s voirs. cofte jeghens Boudijn van den Poile^t; in wilken leen goede wi heren Janne voirs., also verre als heren Willaems^u ghebrake sonder wittachtighe boirte van him te laten, toit sinen live houden zullen wi ende onse nacomelinghe in sulker manieren alse voirscreven^v es.

Hier over waren onse lieve neve here Gheraerd^w here van Voirne, borchgrave van Zeeland^x, hair Gheraerd^y here van Pottes ridder, meester Heynric van Gheldenake onse clerc. In oerkonde etc. Ghegheven te Valenchijn^z des donresdaghes voir Half vasten int jaer ons Heren M CCC neghen ende twintich.