Registers van de Hollandse grafelijkheid 1299-1345

Graaf Willem III, die aan de jonkvrouwen Harburch Tasse en Aleid, kinderen van heer Jan van Brandenburg, in totaal 2.500 pond Tournois schuldig is en hun jaarlijks een erfleen van 250 pond Tournois heeft toegekend uit de tol van Ammers totdat hij de schuld zal hebben afbetaald, schenkt met hun toestemming en met die van hun oom Gijsbrecht van Brandenburg deze jaarrente als een lijftocht aan hun moeder vrouw Jutte, vrouwe van Brandenburg.

Vgl. nr. ZH 384, alsmede nr. ZH 367, een eerdere oorkonde waarin dezelfde zaak werd geregeld.

Wi Willaem^c grave etc. maken cond etc. dat wi sculdich sien joncfrouwen Harburch Tassen ende Aleyden, heren Jans kinderen van Brandenburch ridders, een ende twintich hondert pond zuarter Tornoyse^d, den groeten over XVI d. gherekend, dair si onse opene brieve of hadden ende onser borghe, die si ons nu op leverden ende ghescoert sien; voirt sien wi hem sculdich IIII^C lb. Tornoyse, die wi hem bewijst hadden over scoud ende wi selve in deden nemen heren Janne onse capellane; dit coemd in somme XXV^C lb. Tornoyse, den groeten over XVI d. gherekent. Over wilc ghelt wi hem bewijst hebben van ons in een erfleen te houden II½^Ce lb. Tornoyse sjaers, payments voirscreven, tontfaen jaerlix ute onser tolne van Ammers^f, die ene helfte te sente Martijns^g misse in den winter^h ende die ander helfte te sente Pieters daghe in den lentenⁱ, in manieren: so wilke tijd wi hem dese XXV^C lb. gheven voirs.^j, so sullen dese II½^Ck lb. Tornoyse sjaers quite wesen ende si sullen ons desen brief ende onsen brief van hore moeder lijftocht dair op ghemact weder gheven, want wi bi horen goeddenken dese II½^C lb. Tornoyse sjaers, ende bi Ghisebrechts^l van Brandenburch horen oem, te lijftochte ghemact hebben veren Jutten der vrouwen van Brandenburch. Ende ombieden onsen rentemeester van Zuitholland^m die nu es of na wesen sal dat hi veren Jutten voirs. alle jare also langhe als si levet ende horen dochteren na hoire doit dit ghelt voirs. uyt reken ende betailen te tijd toe dat wijt ghequit hebben, alseⁿ voerscreven es.

In orkonde etc. Ghegheven toit Sente Gherden^o berghe op sente Marcus avond int jaer XXXI^op.