Registers van de Hollandse grafelijkheid 1299-1345

Graaf Willem III beleent Nicolaas Jansz. van Abbenbroek met 27½ gaarden land in Katendrecht, welk goed deze hem had opgedragen; voorts regelt hij de vererving van dit leen.

Wi Willaem^a grave van Heynnegouwen^b etc. maken cond allen luden dat^c Clais^{d e} Jans sone van Abbenbroeke ons op ghedraghen heeft achte ende twintichstalve gairde lands legghende in ^f Kathendrecht beoisten den tween slusen, die veren Jutten waren Jans weduwe van Abbenbroeke, streckende uyt der Mereweden^g toit an die landsceydinghe, ende dit land heeft beleghen Jan van den Broeke sijn broeder met lande an beyden siden; wilc land voirscreven wi verlien Claise^h ende sinen erfnamen van ons ende van onsen erfnamen te houden ten rechten erfleene, ende immer op den ousten ende op denⁱ naisten te comen, ende op den jongheren manhoeft voir touder wijfhoeft aldair si beyden even na sijn.

In orkonde etc. Ghegheven in die Haghe op sente Pieters dach ingaende oichste int jair ons Heren M^o CCC^o XXXII^o.