Rijmkroniek van Holland (366-1305)

d verbeterd uit een v met afkortingsteken voor er achter deze regel drie punten den achter de voorafgaande regel te achter de voorafgaande regel achter deze regel drie punten gheru met gescheiden vanwege een genaaide scheur in het perkament, waar omheen is geschreven

Vergelijk regels 13494 tot en met 13543

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
13494			Ende souden vten lande doen		Ende zouden vten lande doen		Ende souden vten lande doen
13495			Die hem so dorperlike ontfloen		Die hem soe dorperlijc ontfloen		De hem so dorperlike ontfloen
13496			Ende diese brochte inder noet		Ende diese brochten inder noet		Entiese brochten in der noet
13497	X 405		Of binnen lants slaen te doet		Of binnen lants slaen te doot		Of binnen lants slaen ter doet
13498			Want men mach wel dat verstaen		Want men mach wel dat497 verstaen		Want men mach wel verstaen
13499			Dat si hem meer hebben misdaen		Dat si hem meer hebben misdaen		Dat si hem meer hebben mesdaen
13500			Dan die graue oyt ghedede		Dan die graue oyt ghedede		Dan de graue oit ghedede
13501			Al was hem houden ghenen vrede		Al was hem houden ghenen vrede		Al wilsi hem houden ghenen vrede
13502	X 410		Dits der dwaser vlamingen zede		Dits der dwaser vlaminghe zede		Dits der dwaser vlamingher sede
13503			Want si ne houden ghene stede		Want sine houden ghene stede		Want sine houden ghene stede
13504			Men soudse met logen daer toe driuen		Men soudse met loghenen daer toe driuen		Men soudse met loghenen daer toe driuen
13505			Daer mense alle soude ontliuen		Daer mense al soude ontliuen498		Dat mense alle soude ontliuen
13506			Alst aldus was volgaen		Alst aldus was volgaen		Alst aldus was vergaen
13507	X 415		Ende ment in middelburch heuet verstaen		Ende men in middelborch heuet verstaen		Ende ment in middelborch heuet uerstaen
13508			Ghinghen si vanghen ende iaghen		Ghinghen si vanghen ende iaghen		Ghinghen si vanghen ende iaghen
13509			Hier om ne dordi niet vragen		Hier om en dordi niet vraghen		Hier omme en doruedi niet vragen
13510			Hadden sijt gheweten te primetide		Hadden sijt gheweten te prijmtide		Hadden sijt gheweten te primetide
13511			Daer maecte hem sulc harde blide		Daer maecte hem zulc harde blide		Daer maecte hem sulc herde blide
13512	X 420		Hi soude anders hebben gesongen		Hi zoude anders hebben ghesongen		Hi soude anders hebben ghesongen
13513			Eer hi van daer ware ontsprongen		Eer hi van daer ware ontsprongen		Eer hi van danen waer ontsprongen
13514			Doe wart daer een groot gheluut		Doe wart daer een groot gheluut		Doe wert daer een groet gheluut
13515			Tghemene volc liep al wt		Tghemene volc liep al wt		Tghemene volc liep al vuut
13516			Manne wiue ende kinder		Manne wiue ende kinder		Manne wiue ende kinder
13517	X 425		Bede mere ende minder		Sede meer ende minder		Bede meer ende minder
13518			Ende ghinghen toe met groten drachte		Ende ghinghen toe met groten drachte		Ende ghingen toe met groter drachte
13519			Ende droegen den steen vter grachte		Ende droeghen den steen vter grachte		Ende droegen de stene vter grachte
13520			Ghewillichlike ende blide		Ghewillichlike ende blide		Ghewillichlike ende blide
13521			Die ionge graue sende tien tide		Die ionghe graue seinde tien tiden		Die ionghe graue sende dien tiden
13522	X 430		Sine vrienden indie poert		Sine vrienden in die poort		Sine vreende inde port
13523			Die dor hem alsmen dat hoert		Die dor hem alsmen dat hoort		De doer hem als men dat hort
13524			Hadden tlant gherumet817 mede		Hadden tlant gherumet mede		Hadden tlant gherumet mede
13525			Doe si quamen binnen der stede		Doe si quamen binder stede		Doe si quamen binder stede
13526			Wort dat volc blide zere		Wort dat volc blide sere		Wort dat volc blide sere
13527	X 435		Ende danctens gode onsen here		Ende danctens gode onsen here		Ende dankedens god onsen here
13528			Die deden dat hem was gheheten		Die deden dat hem was gheheten		De deden dat hem was gheheten
13529			Ende ghiselden suldi weten		Ende ghiselden dat zuldi weten		Ende ghiselden suldi weten
13530			Binnen der poert dars was te doene		Binder poort daers was te doene		Binder port dars was te doene
13531			Diemen kende ende die niet so coene		Diemen kinde ende die niet soe coene		Die men kende ende niet so coene
13532	X 440		Waren dat si dorsten beiden		Waren dat si dorsten beiden		Waren dat si dorsten beiden
13533			Si ghinghen stappans henen weiden		Si ghinghen stappans henen weyden499		Si ginghen staphans henen weiden
13534			Dus sijn die sticken hier vergaen		Dus sijn die stucken hier vergaen		Dus sijn de stucken hier vergaen
13535			Ende die graue quam zaen		Entie graue quam saen		Entie graue de quam zaen
13536			Jn die poert als hi eerst mochte		Jndie poort als hi eerst mochte500		Jnde porte als hi eerst mochte
13537	X 445		Ende den goeden luden dochte		Ende den goeden luden dochte		Ende den goeden luden dochte
13538			Dat si hadden gode biden voete		Dat si hadden gode biden voeten		Dat si hadden gode biden voeten
13539			Daer si quamen hem te ghemoete		Daer si quamen hem te ghemoete		Daer si hem quamen te ghemoete
13540			Ende elc hem te stride diende		Ende elc hem te stride diende501		Ende elc hem te striden diende
13541			Oec waren si blide om hare vriende		Oec waren si blide om haer vriende		Oec waren si blide om haer vriende
13542	X 450		Die met hem weder inne quamen		Die met hem weder inne quamen		De met hem weder innne quamen
13543			Ende met hem gheuaren waren tsamen		Ende met hem gheuaren waren tsamen		Ende met hem gheuaren waren te samen
vorige 50 regels   | volgende 50 regels | Ga naar regel
		817: gheru met gescheiden vanwege een genaaide scheur in het perkament, waar omheen is geschreven		497: d verbeterd uit een v met afkortingsteken voor er 498: achter deze regel drie punten 499: den achter de voorafgaande regel 500: te achter de voorafgaande regel 501: achter deze regel drie punten