Rijmkroniek van Holland (366-1305)

Contact

in de marge vóór de lombarde een representant n na de d een doorgestreepte e w verbeterd uit z c boven het woord geschreven en een verwijsteken tussen s en a

Vergelijk regels 4856 tot en met 4905

			Handschrift C (ga naar pagina)		Handschrift B (ga naar pagina)	Handschrift A (ga naar pagina)




4856	IV 350		Wat holpe hier of langhe tale		Wat hulpe hier of langhe tale	Wat holpe hier op langhe tale

4857			Men brochte heren ghisebrecht voert		Men brochte heren ghisebrecht voert	Men brocht heer ghisebrecht vort

4858			Als her aernout dit verhoert		Als her arnout dit verhoert	Als her arnout dit verhort

4859			Sprac hi metten broeder thant		Sprac hi metten broeder te hant	Sprac hi mitten broeder te hant

4860			Ende boet op te gheuen vredelant		Ende boet op te gheuen vredelant	Ende gaf op vredelant

4861	IV 355		Behouden lijf ende lede		Behoude lijf ende lede	Behouden lijf ende lede

4862			Men ontfincken daer ter stede		Men ontfincken daer ter stede	Men ontfinghen daer ter stede

4863			Ende men voerdse in zeelant doe		Ende men voerdse in zeelant doe	Ende voeretse jn zeelant doe

4864			Die graue florens zette toe		Die graue florens settede toe	De graue florens zette toe

4865			Ende belacht thant montfoord³⁰¹		Ende belach te hant montfoerde	Ende belach te hant montfort

4866	IV 360		Ende bleef ligghen rechte voert		Ende bleef liggende rechte voerde	Ende bleef ligghende rechte vort

4867			Den zomer ende den winter³⁰² dure		Den somer ende den winter doer	Den zomer ende den winter dure

4868			Ende warp hem in te menigher vre		Ende warp hem in te meniger vre	Ende waerp hem in te menegher vre

4869			Menighen swaren bliden steen		Menighen zwaren bliden steen	Meneghen swaren blide steen

4870			Als den ghenen wel sceen		Als den ghenen wel sceen	Alst den ghenen wael sceen

4871	IV 365		Die binder burch waren beseten		Die binnen der borch waren beseten	De binnen der borch waren beseten

4872			Ten lesten most wesen als ghi sult weten		Ten lesten most wesen als ghi sult weten	Jnt tende most sijn als ghi sult weten

4873			Dat si in hant mosten gaen		Dat si in hant mosten gaen	Dat si in hant moesten gaen

4874			Die graue ne woudse niet ontfaen		Die graue ne woudse niet ontfaen	Die graue ne woudse niet ontfaen

4875			Hine mochte mede doen sinen wille		Hine moster mede doen sine wille	Hine mochter mede sinen wille

4876	IV 370		Openbaer lude ende stille		Openbaer lude ende stille	Doen beide lude ende stille

4877			Het verghinc alst wesen soude		HEt verghinc alst wesen soude	HEt verghinc alst wesen zoude

4878			Hi deder mede al dat hi woude		Hi deder mede al dat hi woude	Hi deder mede aldat hi woude

4879			Dat huys dedi doe besetten		Dat huus dedi doe bezetten	Dat huys dede hi doe besetten

4880			Tsinen wille al sonder letten		Te sinen wille al zonder letten	Tsinen wille ende sonder letten

4881	IV 375		Harman bleef vten lande		Harman bleef vten lande	Herman bleef vten lande

4882			Dandre gheuaen al had sijs scande³⁰³		Dandre gheuaen al hadden sijs scande	Dander gheuaen al wast hem scande

4883			Menighen dach ende menighe wile		Menighen dach ende menigen wile	Menighen dach ende menighe wile

4884			Daer na gheuelt al sonder ghile		Daer na gheuielt al zonder ghile	Daer na gheuielt al sonder ghile

4885			Dat si versoenden ieghen den graue		Dat si versoenden ieghen den graue	Dat si versoenden teghen den graue

4886	IV 380		Ende sette borghen van groter haue		Ende sette borghe van groter haue	Ende setten borghen van groter haue

4887			Dat si nemmermee so coene		Dat si nemmermee so coen	Dat si nemmermeer so coene

4888			Waren ieghen den graue te doene		Waren ieghen den graue te doen	Waren teghen den graue te doene

4889			Ende wie daer ieghen yet misdede		Ende wie daer ieghen yet mesdede	Ende wieder teghen iet mesdede

4890			Verboerde lijf ende lede		Verboerde lijf ende oec lede	Verboorde lijf ende lede

4891	IV 385		Ende al sijn goet ende leen		Ende al sijn goet ende oec leen	Ende al sijn goet ende leen

4892			Ende der borghen en waer ne gheen		Ende der borghe ne waer ne gheen	Ende der borghen ware ne gheen

4893			Hine soude verboren al sijn goet		Hine soude verboren al sijn goet	Hine soude verboren alsijn goet

4894			Est dat hare enich misdoet		Est dat hore eenich misdoet	Waer dat haer enich misdoet

4895			Ende niet daer ieghens seggen souden		Ende niet daer ieghens zeggen soude	Ende niet daer ieghens segghen souden

4896	IV 390		Dat zider qualic was ghehouden		Dat seder qualic was ghehouden	Dat seder qualike was ghehouden

4897		¶	Nu sette die graue ghedochte		Nv¹⁶³ sette die grauen sijn ghedochte	Nv sette de graue sijn ghedochte

4898			Die vriesen te dwinghen of hi mochte		Die vriesen te dwingen of hi mochte	Die vriesen te dwinghen of hi mochte

4899			Ende vergaderde al sijn here		Ende vergaderde al sijn heer	Ende vergaderde al sijn heer

4900			Hollant zeelant met groter ghere		Hollant zeelant met groter gheer	Hollant zeelant mit groter weer

4901	IV 395		Ende voer in vrieslant sonder missen		Ende voer in vrieslant sonder missen	Ende voer in vreeslant sonder misse

4902			Ende logierde te widenissen		Ende logierde te widenissen	Ende logierde te widenisse

4903			Met menighen man coene ende stout		Met menighen man coen ende stout	Met menighen man coene ende stout

4904			Ende vacht enen wijch te scellinchout		Ende vacht eenen wich te scellinhout	Ende wan enen wijch te scellinc houte

4905			Ende wart te rade alst wesen soude		Ende wart te rade alst wesen soude	Ende wort te rade alst wesen zoude

vorige 50 regels \| volgende 50 regels \| Ga naar regel
		301: na de d een doorgestreepte e 302: w verbeterd uit z 303: c boven het woord geschreven en een verwijsteken tussen s en a		163: in de marge vóór de lombarde een representant n